Алоқа
Ўзбекистон Республикаси, Тошкент шаҳри, M-14, 27 уй
Телефон: +998 (71) 244-87-49
Факс: +998 (71) 244-87-49
E-mail: info@agroxizmat.uz
“Қишлоқ хўжалиги маҳсулотлари сифатини баҳолаш маркази” давлат муассасасининг Мутахассислар тайёрлаш ўқув бўлими томонидан, агросаноат соҳасида фаолият юритаётган ходимларни малакасини ҳамда билим кўникмаларини ривожлантириш мақсадида мутахассисларни соҳа бўйича малака ва тажрибаси оширилиб, таълим сифатини назорат қилиш давлат инспексияси томонидан берилган КМО 0301-сонли лицензия ва 030171-сонли тасдиқномага асосан “Пахта толасини классификациялаш, сертификатлаш ва маркетинги” курсининг 2-2024-сонли гуруҳида 22-июлдан 30- августгача ўқув-амалий дарслари бўлиб ўтди.
“Қишлоқ хўжалиги маҳсулотлари сифатини баҳолаш маркази" давлат муассасаси тизимида коррупцияга қарши ички назорат тузилмаси 2024-йил учун тузилган иш-режаси тегишли бандлари ижроси таъминлаш мақсадида жорий йилнинг 12-15 август кунлари Марказнинг Бухоро, Навоий Самарқанд вилояти филиалларида “Коррупцияга қарши бирга курашамиз” мавзусида семинар-тренинг бўлиб ўтди.
Семинар давомида иштирокчиларга коррупцияга қарши фаолиятни амалга оширувчи ва унда иштирок этувчиларга ҳуқуқбузарликларни содир этганлик учун жавобгарлик чоралари муқаррарлиги тўғрисида атрофлича маълумот берилди.
Шунингдек, давлат хизматларини кўрсатганлик учун вужудга келган дебитор қарздорликларни ундириш юзасидан амалга оширилган ишлар кўздан кечирилди ва ушбу дебитор қарздорликларни ундириш бўйича керакли чоралар белгилаб олинди.
Жорий йилнинг 12-15 август кунлари Марказнинг Бухоро, Навоий ва Самарқанд вилояти ҳудудий филиаллрида маънавий-маърифий ишлар намунали йўлга қўйилганлиги бўйича ўрганиш ўтказилди.
Ушбу ўрганишдан асосий мақсад, Ўзагроинспекциянинг 2024-йил 29-январдаги 02/4-4-209-сонли топшириғида кўрсатилган “Ўзагроинспекция” маънавият ва маърифат Кенгашининг 2024-йил 17-январдаги “Йўл харитаси”да белгиланган вазифаларни амалга ошириш, соҳа бўйича ушбу йўналишдаги фаолият натижадорлигини тубдан ошириш.
Ўрганиш давомида аниқланган камчиликлар юзасидан тегишли тавсиялар берилди, ҳамда бартараф этиш чоралари кўрилди.
Ўзбекистонда озиқ-овқат хавфсизлиги тизимидаги вазиятни баҳолаш доирасида ФАО нинг Ўзбекистондаги ваколатхонаси ҳамда ФАО минтақавий буюросининг вакилларидан бири жаноб Оржон Джоджи бошчилигидаги халқаро экспертлар гуруҳи "Ўзагроинспекция" ҳузуридаги "Қишлоқ хўжалиги маҳсулотлари сифатини баҳолаш маркази“ давлат муассасасига ташриф буюрди.
Ташриф давомида, халқаро экспертлар Марказда жойлашган лабораториялар мажмуаси фаолияти билан яқиндан танишдилар.
Шу билан бирга, халқаро экспертларга "Ўзагроинспекция"нинг аграр ва озиқ-овқат хавфсизлиги тизимидаги ўрни ҳамда маҳсулотларни сифатини баҳолаш ва сертификатлаштириш фаолиятига доир жараёнлар юзасидан тақдимотлар намойиш этилди.
Учрашув томонлар ўртасида савол-жавоб тарзида ташкил этилиб, халқаро экспертларнинг саволларига "Ўзагроинспекция" мутахассислари томонидан атрофлича жавоб ва тушунтиришлар берилди.
Учрашув якунида, халқаро экспертлар "Ўзагроинспекция"нинг аграр ва озиқ-овқат хавфсизлиги тизимида олиб бораётган ишлар яхши йўлга қўйилганлиги ва халқаро даражада амалга оширилаётганлигини таъкидлади, шунингдек, Ўзбекистонда уруғчилик хўжаликларига етказиб берилаётган уруғликларнинг сифатига катта эътибор қаратилаётганига йўналтирилган ишларни алоҳида эътироф этди.
Учрашув томонлар ўртасида самимий ва кўтаринки руҳда кечди.
Эслатиб ўтамиз, 2023 йил сентябрь ойида Самарқандда бўлиб ўтган Озиқ-овқат хавфсизлиги бўйича халқаро конференция доирасида Тошкент шаҳрида Ўзбекистон Республикаси Президенти Ш. Мирзиёев ва ФАО бош директори Цюй Дунъюй билан ўтган расмий учрашувда Ўзбекистон ва ФАО ўртасидаги 2030 йилгача бўлган янги ҳамкорлик дастурига учта йўналиш бўйича қўшма тадбирларни киритиш бўйича келишувга эришилган эди.
Улар:
- қишлоқ хўжалигини модернизatsiя қилиш, жумладан, тупроқни тартибга солиш, уруғларни сақлаш ва танлаш;
- қишлоқ хўжалигини рақамлаштириш, жумладан, «Қўлни қўлга» ташаббуси доирасида маълумотлардан фойдаланиш ва «1000 та рақамли қишлоқ» ташаббусини амалга ошириш;
- янги самарали молиявий воситаларни жорий этиш.
"Ўзагроинспекция" Ахборот хизмати
"Қишлоқ хўжалиги маҳсулотлари сифатини баҳолаш маркази“ ДМнинг Тошкент вилояти Қибрай туманида жойлашган дала тажриба майдонида 2024-йил 5-8 август кунлари о'тадиган “Ғўза майдонларида апробация кўригини ўтказиш, ҳамда ҳужжатларни расмийлаштириш тартиби” бўйича ўқув курслари доирасида, бугун 6 август куни дала тажриба майдонида “Ғўзанинг навдорлигини аниқлаш бўйича семинар-тренинги” ташкил қилинди.
Ушбу семинарда Марказнинг кўп йиллик тажрибага эга ходимлари қаторида Қишлоқ хўжалиги вазирлиги тизимидаги ташкилотлар, корхоналар ва илмий тадқиқот институтлари мутахассис ходимлари иштирок этдилар.
Жорий йилнинг 31-июль куни "Ўзагроинспекция" ҳузуридаги "Қишлоқ хўжалиги маҳсулотлари сифатини баҳолаш маркази" давлат муассасасининг марказий уруғчилик лабораториясига Германия Федератив Республикасининг GIZ халқаро ҳамкорлик бўйича Германия жамиятининг Ўзбекистондаги ваколатхонаси дастур бошқарувчиси Беате Шореит бошчилигидаги бир қатор вакиллар ташриф буюришди.
Учрашувда, ўзаро ҳамкорлик йўналишларини белгилаш ва тажриба алмашиш мақсадида, икки томон ўртасида мутахассисларни алмашинуви йўлга қўйиш борасида келгусида амалга ошириладиган ишлар келишиб олинди.
Сўровнома
Алоқа
Қайта боғланиш