Yangiliklar

“Galaba bog’i” ga tashrif amalga oshirildi

14-yanvar - Vatan himoyachilari kuni hamda O‘zbekiston Respublikasi Qurolli Kuchlari tashkil etilganligining 33-yilligi munosabati bilan Markaz xodimlari G'alaba bog'iga tashrif buyurdilar

Posted in "Yangiliklar"

Published by agroxizmat on Jan 16, 2025

Markazda USAID-AQSh Xalqaro taraqqiyot agentligi vakili bilan uchrashuv bo’lib o’tdi

Joriy yilning 13-yanvar kuni "Qishloq xo‘jaligi mahsulotlari sifatini baholash markazi" davlat muassasining markaziy laboratoriyasida markaz mutaxassislari ishtirokida USAID-AQSh Xalqaro taraqqiyot agentligi vakili Kathleen Doherty bilan uchrashuv va muzokaralar olib borildi. “USAID agentligi” tomonidan istiqbolda rejalashtirilgan yangi loyihani shakllantirish yuzasidan o’tkazilgan uchrashuvda Markaz laboratoriyasidagi sinov jarayonlari va sohada olib borilayotgan islohatlar bilan yaqindan tanishtirilib, kelgusidagi rejalar muhokama qilindi.

Posted in "Yangiliklar"

Published by agroxizmat on Jan 15, 2025

8-dekabr - O‘zbekiston Respublikasi Konstitutsiyasi qabul qilingan kun hamda 9-dekabr – Xalqaro korrupsiyaga qarshi kurash kuni

Joriy yilning 4-dekabirida O‘zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Qishloq xo‘jaligi mahsulotlari sifatini baholash markazi” davlat muassasasi binosida “8-dekabr - O‘zbekiston Respublikasi Konstitutsiyasi qabul qilingan kun” hamda “9-dekabr – Xalqaro korrupsiyaga qarshi kurash kuni ” munosabati bilan Korrupsiyaga qarshi kurashish agentligi hamda “Adolat” sotsial- demokratik partiyasi bilan hamkorlikda “Ochiq eshiklar kuni” tadbiri bo’lib o’tdi. Ushbu tadbirda “O‘zagroinspeksiya” markaziy apparati tarkibiy tarmoq rahbarlari va xodimlari, Markaz rahbariyati, boshqarma va bo’lim boshliqlari filiallaar boshliqlari va xodimlari ham “Zoom platformasi” orqali ishtirok etdilar. Tadbirda korrupsiyaga qarshi kurashish sohasida ochiqlik va shaffoflikni ta’minlash maqsadida amalga oshirilgan ishlar va keyingi rejalashtirilgan choralar haqida ma’lumotlar taqdim etildi va O‘zbekistonning yangilangan qonunlari, korrupsiyani oldini olish, mamlakatimizda korrupsiyaga qarshi kurashish sohasidagi davlat siyosatining ustuvor yo‘nalishlari to‘g‘risida batafsil ma’lumotlar berildi. Tadbir yakunida erishilgan yutuqlar va olib borilayotgan hamkorliklarning natijalari o‘laroq faol ishtirok etgan rahbar-xodimlarga “Adolat” sotsial- demokratik partiyasining ko‘krak nishoni va tashakkurnomalari taqdim etildi.

Posted in "Yangiliklar"

Published by agroxizmat on Dec 4, 2024

Markaz rahbariyati qishloq xo‘jaligini barqaror mexanizatsiyalash strategiyasini ishlab chiqishni qo‘llab-quvvatlash bo‘yicha xalqaro seminarda ishtirok etmoqda

Ayni paytda poytaxtimizdagi "International hotel Tashkent" mehmonxonasida qishloq xo‘jaligini barqaror mexanizatsiyalash strategiyasini ishlab chiqishni qo‘llab-quvvatlash bo‘yicha xalqaro seminar o‘tkazilmoqda. Unda Qishloq xo‘jaligi vazirligining tegishli departamenti va boshqarmalari boshliqlari, BMTning Oziq-ovqat va qishloq xo‘jaligi tashkiloti – FAOning O‘zbekistondagi vakolatxonasi mas’ullari, Markaz rahbariyati va mutaxassislari xamda xorijlik mehmonlar ishtirok etmoqda. Seminarda barqaror qishloq xo‘jaligini rivojlantirishda mexanizatsiyalashtirishning o‘rni, agrar sohaga zamonaviy texnologiyalarni jalb etishning afzalliklari, mamlakatimizda qishloq xo‘jaligini mexanizatsiyalashtirish borasida amalga oshirilayotgan ishlar muhokama qilinmoqda.

Posted in "Yangiliklar"

Published by agroxizmat on Nov 28, 2024

Markazda xalqaro ISTA qoidalari bo’yicha o’quv-treningi davom etmoqda

Avval xabar berganimizdek, Turkiyaning “Tohumluk Tescil ve Sertifikasyon Merkez Müdürlüğü" tashkilotining mutaxassislari - Bülent Özturk va Selma Kurt tomonidan joriy yilning 25-noyabrdan 2-dekabrgacha xalqaro ISTA qoidalari bo’yicha rejalashtirilgan o’quv-treningini o’tkazilmoqda. Bugun 26-noyabr kuni ushbu o’quv-treningi davom ettirilib, ISO/IEC 17025 standarti «Yozuvlar - nazorat tartib-qoidasi, ichki audit tartib – qoidasi, tuzatish tadbirlari tartib – taomili, profilaktika harakatlari protsedurasi tamoyillari» bo’yicha nazariy mashg’ulotlar bo’lib o’tdi. Shuningdek, amaliy mashg’ulotlar doirasida Bülent Özturk va Selma Kurt tomonidan Markaziy urug’chilik laboratoriyasida bug‘doy, arpa, paxta, sabzavot va dukkakli ekinlarda diagnostika mezonlari hamda urug‘lik tahlillari yuzasidan mutaxassis hodimlarga batafsil ma’lumot berib o’tildi.

Posted in "Yangiliklar"

Published by agroxizmat on Nov 26, 2024

Markazda xalqaro ISTA qoidalari bo’yicha o’quv-treningi boshlandi

Joriy yilning 25-noyabr sanasida Markazning urug‘chilik laboratoriyasini xalqaro ISTА qoidalari asosida akkreditatsiyaga tayyorlash va xalqaro ISTА qoidalari asosida o‘quv-treninglar o‘tkazish bo‘yicha Turkiya qishloq va o‘rmon xo‘jaligi vazirligi huzuridagi “Tohumluk Tescil ve Sertifikasyon Merkez Müdürlüğü” tashkilotining mutaxassislari (Bulent Ozturk va Selma Kurt) tomonidan rejalashtirilgan o’quv-treningiga start berildi. Ushbu o’quv-treningda Markaz rahbariyati, sertifikatlashtirish organi va laboratoriya boshliqlari, mutaxassis xodimlar ishtirok etmoqdalar.

Posted in "Yangiliklar"

Published by agroxizmat on Nov 25, 2024