Алоқа
Ўзбекистон Республикаси, Тошкент шаҳри, M-14, 27 уй
Телефон: +998 (71) 244-87-49
Факс: +998 (71) 244-87-49
E-mail: info@agroxizmat.uz
Жорий йилнинг 16 декабрь санасида Марказда "Коррупцияга қарши курашиш ва унинг келиб чиқиш сабабларини бартараф этиш" бўйича йиғилиш бўлиб ўтди. Ушбу йиғилишда Марказ раҳбарияти, бўлим бошлиқлари, мутахассилар ва онлайн равишда ҳудудий филиаллар ҳодимлари иштирок этдилар.
Мазкур семинар йиғилишини Коррупцияга қарши курашиш агентлиги масъул ходими Р. Юладшев олиб борди ва тадбир иштирокчиларига коррупция бўйича асосий тушунчалар, унинг кўринишлари, турлари ва унга қарши курашни ташкиллаштиришга оид қонунчилик амалиёти ва ходимларнинг мажбуриятлари бўйича батафсил тушунтиришлар берилди.
Шунингдек, семинарда Марказ тизими иш жараёнида эҳтимолий коррупция бўйича аниқланган ҳолатларни олдини олиш, коррупцион ҳолатлар тўғрисидаги маълумотларни зудлик билан Марказнинг тегишли бўлимларига тақдим этиб бориш бўйича кўрсатмалар берилди.
Ушбу мавзу, тадбир - қатнашчилари орасида қизиқиш ўйғотиб, баҳс - мунозара тарзида мулоқот олиб борилди ва иштирокчиларнинг қизиқтирган саволларига атрофлича жавоблар қайтарилди.
Ўзбекистон Республикаси Вазирлар Маҳкамасининг жорий йил 22 ноябрдаги 10/1-525-сонли топшириғи ва БМТ Бош Ассамблеяси томонидан эълон қилинган “25 ноябрь-Халқаро аёлларга нисбатан зўравонликка барҳам бериш куни”га бағишланган 2022 йил 25 ноябрдан 10 декабргача “Зўравонликка қарши 16 кун” туркум тадбирларини ташкил этиш борасида тасдиқланган чора-тадбирлар режаси ижроси юзасидан 2022 йил 6 декабрь санасида “Агросаноат мажмуида хизматлар кўрсатиш маркази” ДУКда “Хотин-қизлар ва эркаклар учун тенг ҳуқуқ ва имкониятлар кафолатлари тўғрисида” ҳамда “Хотин-қизларни таъзиқ ва зўравонликдан ҳимоя қилиш тўғрисида”ги конвенцияни мазмун моҳиятини, ҳуқуқий онг ва ҳуқуқий маданиятини юксалтириш борасида тадбир бўлиб ўтди.
Тадбирга Ўзбекистон техник жиҳатдан тартибга солиш агентлигидан Маънавий-марифий ишлар самарадорлигини ошириш, “Давлат тили тўғрисида”ги Қонун ҳужжатларига риоя этилишини таъминлаш масалалари бўйича Бош директор маслаҳатчиси философия фанлари доктори, профессор Мамадалиева Ноибахон Сайдаминовна таклиф қилинди.
Ушбу тадбир давомида гендер зўравонликнинг кўринишлари, яъни руҳий, жисмоний ва иқтисодий зўравонлик бўйича билим ва кўникмаларни мустаҳкамлаш, аёлларни ўз ҳақ-ҳуқуқлари бўйича етарли билимга эга бўлиши зарурлиги юзасидан сўз юритилди.
Муқаддас саналган оилада аёлга нисбатан қилинган зўравонликни юртимиз келажаги учун қилинган тажовуз сифатида баҳоланиши лозимлиги, хотин-қизларга нисбатан муносабатни янада яхшилаш, уларга нисбатан ҳурмат ва эҳтиромни янада мустаҳкамлаш ҳар биримиз учун ҳам фарз ҳам қарзлиги алоҳида таъкидланди.
Мамлакатимиздаги Туркия ҳамкорлик ва мувофиқлаштириш агентлиги (TIKA) ваколатхонасида Қишлоқ хўжалиги вазирлиги ҳузуридаги Қишлоқ хўжалиги экинлари навларини синаш маркази, Уруғчиликни ривожлантириш маркази ҳамда “Aгросаноат мажмуида хизматлар кўрсатиш маркази” Давлат унитар корхонасининг раҳбар-мутахассислари иштирокида ҳамкорлик учрашуви бўлиб ўтди.
Тадбирда TIKA агентлиги томонидан таклиф қилинган “Ўзбекистонда уруғчилик соҳасининг барқарор ривожланишига ҳисса қўшиш ва малака оширишга қаратилган техникавий ҳамкорлик” лойиҳаси бўйича мамлакатимизда қишлоқ хўжалиги экинлари навларини синаш, уруғларни сертификатлаш ва рўйхатга олиш жараёнлари, умумий уруғ савдосининг ривожланишига имкон берувчи маркетинг бозорини ривожлантириш каби масалалар муҳокама этилди. Шунингдек, Ўзбекистондаги соҳа сектори ходимларини Туркиядаги 5 ойдан 2 йилгача бўлган муддатли таълим ва амалиёт, малака оширишга жалб етиш ҳамда техникавий ҳамкорлик лойиҳалари бўйича музокаралар олиб борилди.
Ушбу лойиҳа томонлар ўртасида уруғчилик, нав синаш ва сертификатлаш тизимларини ўрганиш ва такомиллаштиришга хизмат қилади.
Учрашув мобайнида келгусида амалга оширилиши режалаштирилаётган ҳамкорликдаги ишлар юзасидан фикрлар алмашилди. Хусусан, уларнинг амалга оширилиши фермерларга ва тадбиркорларга, соҳага доир ташкилотларга кўплаб қулайлик ва енгилликларни бериши таъкидланди.
Лойиҳани сифатли ва тўлақонли шакллантириш ва дастлабки ишларни амалга ошириш юзасидан ушбу ойнинг охирида ZOOM орқали икки томонлама раҳбар ва мутахассис ходимларни жалб этган ҳолда музокаралар ўтказиш режалаштирилди. Шу билан бирга яқин келажакда Туркиядан тегишли ташкилотлар мутахассисларини Тошкентдаги TIKA ваколатхонаси кўмагида Ўзбекистонга ташрифини ташкиллаштириш бўйича масала кўтарилиб, агентлик томонидан маъқулланди.
Маълумот ўрнида, Ўзбекистон Республикаси Президенти Aдминистрациясининг 2022-йил 15-февралдаги 02-336-сон ҳамда Вазирлар Маҳкамасининг 2022-йил 15-февралдаги 03/1-330-сон топшириғи билан тасдиқланган Ўзбекистон ва Туркия Республикалари ўртасида агросаноат соҳасида стратегик ҳамкорликни кенгайтириш бўйича “Йўл харитаси”ни ўз вақтида ва сифатли амалга ошириш топшириғи ижросини таъминлаш вазифаси қўйилганди.
2022-йил феврал ойида еса, Ўзбекистон Республикаси Қишлоқ хўжалиги вазирлиги ва Туркиянинг Озиқ-овқат, қишлоқ хўжалиги ва чорвачилик вазирлиги ўртасида “Қишлоқ хўжалиги соҳасида техник, илмий, иқтисодий ва мутахассислар тажрибасини алмашиш бўйича ҳамкорлик тўғрисида”ги Битим имзоланганди.
Манба: www.agro.uz
Тошкент давлат аграр университетида Ўзбекистон Республикаси Вазирлар Маҳкамасининг 2022-йил 14-октябрдаги 595-сон “Давлат фуқаролик хизматчилари томонидан одоб-ахлоқ қоидаларига риоя этилишини таъминлаш бўйича қўшимча чора-тадбирлар тўғрисида”ги қарорининг мазмун-моҳиятини тушунтириш ҳамда тарғиб қилиш мақсадида ўқув семинари ўтказилди.
Тадбирда турли вазирлик, қўмита ва агентликлар ходимлари билан бирга "Агросаноат мажмуида хизматлар кўрсатиш маркази" ДУКнинг 20 нафардан ортиқ масъул ходимлари қатнашдилар.
Ўқув семинарини адлия вазири ўринбосари Музраф Икрамов Қарор ижросини сўзсиз таъминлаш юзасидан вазирлик ва идораларда амалга ошириладиган биринчи навбатдаги вазифалар хусусидаги маърузаси билан очиб берди. Сўнг Давлат хизматини ривожлантириш агентлиги вакиллари сўзга чиқиб, касбий маданият, хизмат фаолиятидаги ва хизматдан ташқари, шунингдек ташқи кўриниш ва кийиниш услубига оид умумий одоб-ахлоқ қоидалари тўғрисида фикр юритишди. Семинар давомида савол-жавоблар ҳам ўтказилди.
Марказда 595-сонли ВМҚ ижросини таъминлаш мақсадида 2022-йил 31-октябрдаги 118-сонли буйруқ тасдиқланган бўлиб, Марказ ва унинг таркибий бўлинмаларида ходимлар учун мажбурий бўлган идоравий одоб-ахлоқ қоидалари, идоравий одоб-аҳлоқ комиссияси таркиби, одоб-аҳлоқ борасида амалга ошириладиган чора-тадбирлар, тарғибот ва тушунтириш ишларини фаол олиб бориш масалалари белгилаб берилган.
Manba: www.agro.uz
2022-йилнинг 8-10-ноябрь кунлари Тошкент шаҳрида уруғлик картошкани етиштириш ва сертификатлаштириш бўйича тренинглар ҳамда семинарлар ўтказилди. Тадбирлар Ўзбекистон Республикаси Қишлоқ хўжалиги вазирлиги ҳамда Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФAО) қўшма лойиҳаси доирасида ташкил этилган. Тренинглар мавзуси “COVID-19"га жавобан картошкачилик секторини тиклаш ва ривожлантириш” бўлиб, уларни ФAОнинг картошка уруғчилиги бўйича халқаро эксперти Меҳмет Эмин Чалишкан (Туркия) олиб борди.
Ушбу тренингларда жами 30 га яқин мутахассислар, жумладан, "Агросаноат мажмуида хизматлар кўрсатиш маркази" ДУК мутахассислари иштирок этдилар.
Машғулотлар давомида картошкани кўпайтириш ва сифатли уруғлик картошка экишнинг афзалликлари, уруғлик картошка етиштиришга қўйиладиган умумий талаблар ва бошқа муҳим жиҳатлар кўриб чиқилди. Мутахассис иштирокчиларга экиш учун жой танлаш, алмашлаб экиш, экишни бошқа экинлардан изоляциялаш, экиш зичлиги каби муҳим жиҳатларни ҳисобга олган ҳолда далага картошка уруғини экишнинг ўзига хос хусусиятларини тушунтириб берди. Тренингда сув ресурслари ва ўғитлардан фойдаланиш, бегона ўтлар, зараркунандалар ва касалликларга қарши курашиш усулларини ўрганишга алоҳида эътибор қаратилди.
"Семинардан кўзланган асосий мақсад Ўзбекистонда картошка етиштириш имкониятлари ва хавф-хатарларини умумлаштириб таҳлил қилишдан иборат. Умид қиламизки, тренинг ва семинардан сўнг биз Ўзбекистонда картошка уруғчилигини ривожлантириш дастурини яратиш учун қимматли маълумотларни оламиз”, — деди ФAОнинг картошка уруғчилиги бўйича халқаро эксперти Меҳмет Эмин Чалишкан.
Маълумот учун
Коронавирус пандемиясининг картошка етиштиришга ва мамлакатнинг озиқ-овқат хавфсизлигига салбий таъсирига қарши курашиш мақсадида Ўзбекистонда 2021-йилдан буён Ўзбекистон Республикаси Қишлоқ хўжалиги вазирлиги билан ҳамкорликда ФAОнинг “COVID-19га жавобан картошкачилик секторини тиклаш ва ривожлантириш” лойиҳаси амалга оширилмоқда. Лойиҳа Ўзбекистонда юқори, барқарор ва сифатли ҳосил етиштириш орқали картошка соҳасининг маҳсулдорлик салоҳиятини оширишга қаратилган. Картошка навларини рўйхатга олиш ва уруғлик сертификати тизимини такомиллаштириш, картошка етиштиришни модернизация қилиш, касаллик ва зараркунандалардан ҳимоя қилиш, маҳсулотларни сақлаш шароитларини яхшилаш бўйича илмий-тадқиқот ишларини такомиллаштириш, шунингдек, ушбу соҳада фаолият юритувчи фермерлар, агрономлар ҳамда бошқа мутахассисларни тайёрлаш бўйича ишлар олиб борилмоқда.
Манба: www.agro.uz
Вазирлар Маҳкамаси ҳузуридаги Aгросаноат мажмуи устидан назорат қилиш инспекцияси томонидан ўтган даврда амалга оширилган ишлар ва профилактика тадбирлари юзасидан матбуот анжумани мобайнида янги қурилган замонавий лаборатория ҳақидаги "Ўзбекистон 24" телеканалида намойиш этилган ролик
Сўровнома
Алоқа
Қайта боғланиш