Contacts
Address: Uzbekistan, Tashkent, M-14, 27
Phone: +998 (71) 244-87-49
Fax: +998 (71) 244-87-49
E-mail: info@agroxizmat.uz
Zahiriddin Muhammad Bobur (1483–1530) qoldirgan bebaho ilmiy-ijodiy meros nafaqat milliy madaniyatimiz va xalqimiz adabiy-estetik tafakkurining shakllanishida, balki jahon adabiyoti, ilm-fani va davlatchiligi tarixida alohida oʼringa ega.
Bugun 14 fevral sanasida jahon tarixida oʼchmas iz qoldirgan betakror siymolardan biri, buyuk shoir, qomusiy olim, davlat arbobi va mohir sarkarda Zahiriddin Muhammad Bobur tavalludining 540 yilligi keng nishonlanmoqda.Shu munosabat bilan Markazda rahbarlar, bo'lim boshliqlari va mutaxassis xodimlar ishtirokida buyuk vatandoshimiz xayoti, uning betakror ijodi xaqida so'z yuritilib, Zahiriddin Muhammad Bobur qalamiga taa'luqli g'azal va sherlardan Markaz xodimlari ijrosida tinglandi.
Жорий йилнинг 16 декабрь санасида Марказда "Коррупцияга қарши курашиш ва унинг келиб чиқиш сабабларини бартараф этиш" бўйича йиғилиш бўлиб ўтди. Ушбу йиғилишда Марказ раҳбарияти, бўлим бошлиқлари, мутахассилар ва онлайн равишда ҳудудий филиаллар ҳодимлари иштирок этдилар.
Мазкур семинар йиғилишини Коррупцияга қарши курашиш агентлиги масъул ходими Р. Юладшев олиб борди ва тадбир иштирокчиларига коррупция бўйича асосий тушунчалар, унинг кўринишлари, турлари ва унга қарши курашни ташкиллаштиришга оид қонунчилик амалиёти ва ходимларнинг мажбуриятлари бўйича батафсил тушунтиришлар берилди.
Шунингдек, семинарда Марказ тизими иш жараёнида эҳтимолий коррупция бўйича аниқланган ҳолатларни олдини олиш, коррупцион ҳолатлар тўғрисидаги маълумотларни зудлик билан Марказнинг тегишли бўлимларига тақдим этиб бориш бўйича кўрсатмалар берилди.
Ушбу мавзу, тадбир - қатнашчилари орасида қизиқиш ўйғотиб, баҳс - мунозара тарзида мулоқот олиб борилди ва иштирокчиларнинг қизиқтирган саволларига атрофлича жавоблар қайтарилди.
Ўзбекистон Республикаси Вазирлар Маҳкамасининг жорий йил 22 ноябрдаги 10/1-525-сонли топшириғи ва БМТ Бош Ассамблеяси томонидан эълон қилинган “25 ноябрь-Халқаро аёлларга нисбатан зўравонликка барҳам бериш куни”га бағишланган 2022 йил 25 ноябрдан 10 декабргача “Зўравонликка қарши 16 кун” туркум тадбирларини ташкил этиш борасида тасдиқланган чора-тадбирлар режаси ижроси юзасидан 2022 йил 6 декабрь санасида “Агросаноат мажмуида хизматлар кўрсатиш маркази” ДУКда “Хотин-қизлар ва эркаклар учун тенг ҳуқуқ ва имкониятлар кафолатлари тўғрисида” ҳамда “Хотин-қизларни таъзиқ ва зўравонликдан ҳимоя қилиш тўғрисида”ги конвенцияни мазмун моҳиятини, ҳуқуқий онг ва ҳуқуқий маданиятини юксалтириш борасида тадбир бўлиб ўтди.
Тадбирга Ўзбекистон техник жиҳатдан тартибга солиш агентлигидан Маънавий-марифий ишлар самарадорлигини ошириш, “Давлат тили тўғрисида”ги Қонун ҳужжатларига риоя этилишини таъминлаш масалалари бўйича Бош директор маслаҳатчиси философия фанлари доктори, профессор Мамадалиева Ноибахон Сайдаминовна таклиф қилинди.
Ушбу тадбир давомида гендер зўравонликнинг кўринишлари, яъни руҳий, жисмоний ва иқтисодий зўравонлик бўйича билим ва кўникмаларни мустаҳкамлаш, аёлларни ўз ҳақ-ҳуқуқлари бўйича етарли билимга эга бўлиши зарурлиги юзасидан сўз юритилди.
Муқаддас саналган оилада аёлга нисбатан қилинган зўравонликни юртимиз келажаги учун қилинган тажовуз сифатида баҳоланиши лозимлиги, хотин-қизларга нисбатан муносабатни янада яхшилаш, уларга нисбатан ҳурмат ва эҳтиромни янада мустаҳкамлаш ҳар биримиз учун ҳам фарз ҳам қарзлиги алоҳида таъкидланди.
Mamlakatimizdagi Turkiya hamkorlik va muvofiqlashtirish agentligi (TIKA) vakolatxonasida Qishloq xo‘jaligi vazirligi huzuridagi Qishloq xo‘jaligi ekinlari navlarini sinash markazi, Urug‘chilikni rivojlantirish markazi hamda “Agrosanoat majmuida xizmatlar ko‘rsatish markazi” Davlat unitar korxonasining rahbar-mutaxassislari ishtirokida hamkorlik uchrashuvi bo‘lib o‘tdi.
Tadbirda TIKA agentligi tomonidan taklif qilingan “O‘zbekistonda urug‘chilik sohasining barqаror rivojlanishiga hissa qo‘shish va malaka oshirishga qaratilgan texnikaviy hamkorlik” loyihasi bo‘yicha mamlakatimizda qishloq xo‘jaligi ekinlari navlarini sinash, urug‘larni sertifikatlash va ro‘yxatga olish jarayonlari, umumiy urug‘ savdosining rivojlanishiga imkon beruvchi marketing bozorini rivojlantirish kabi masalalar muhokama etildi. Shuningdek, O‘zbekistondagi soha sektori xodimlarini Turkiyadagi 5 oydan 2 yilgacha bo‘lgan muddatli taʼlim va amaliyot, malaka oshirishga jalb etish hamda texnikaviy hamkorlik loyihalari bo‘yicha muzokaralar olib borildi.
Ushbu loyiha tomonlar o‘rtasida urug‘chilik, nav sinash va sertifikatlash tizimlarini o‘rganish va takomillashtirishga xizmat qiladi.
Uchrashuv mobaynida kelgusida amalga oshirilishi rejalashtirilayotgan hamkorlikdagi ishlar yuzasidan fikrlar almashildi. Xususan, ularning amalga oshirilishi fermerlarga va tadbirkorlarga, sohaga doir tashkilotlarga ko‘plab qulaylik va yengilliklarni berishi ta’kidlandi.
Loyihani sifatli va to‘laqonli shakllantirish va dastlabki ishlarni amalga oshirish yuzasidan ushbu oyning oxirida ZOOM orqali ikki tomonlama rahbar va mutaxassis xodimlarni jalb etgan holda muzokaralar o‘tkazish rejalashtirildi. Shu bilan birga yaqin kelajakda Turkiyadan tegishli tashkilotlar mutaxassislarini Toshkentdagi TIKA vakolatxonasi ko‘magida O‘zbekistonga tashrifini tashkillashtirish bo‘yicha masala ko‘tarilib, agentlik tomonidan maʼqullandi.
Maʼlumot o‘rnida, O‘zbekiston Respublikasi Prezidenti Administratsiyasining 2022-yil 15-fevraldagi 02-336-son hamda Vazirlar Mahkamasining 2022-yil 15-fevraldagi 03/1-330-son topshirig‘i bilan tasdiqlangan O‘zbekiston va Turkiya Respublikalari o‘rtasida agrosanoat sohasida strategik hamkorlikni kengaytirish bo‘yicha “Yo‘l xaritasi”ni o‘z vaqtida va sifatli amalga oshirish topshirig‘i ijrosini taʼminlash vazifasi qo‘yilgandi.
2022-yil fevral oyida esa, O‘zbekiston Respublikasi Qishloq xo‘jaligi vazirligi va Turkiyaning Oziq-ovqat, qishloq xo‘jaligi va chorvachilik vazirligi o‘rtasida “Qishloq xo‘jaligi sohasida texnik, ilmiy, iqtisodiy va mutaxassislar tajribasini almashish bo‘yicha hamkorlik to‘g‘risida”gi Bitim imzolangandi.
Манба: www.agro.uz
Тошкент давлат аграр университетида Ўзбекистон Республикаси Вазирлар Маҳкамасининг 2022-йил 14-октябрдаги 595-сон “Давлат фуқаролик хизматчилари томонидан одоб-ахлоқ қоидаларига риоя этилишини таъминлаш бўйича қўшимча чора-тадбирлар тўғрисида”ги қарорининг мазмун-моҳиятини тушунтириш ҳамда тарғиб қилиш мақсадида ўқув семинари ўтказилди.
Тадбирда турли вазирлик, қўмита ва агентликлар ходимлари билан бирга "Агросаноат мажмуида хизматлар кўрсатиш маркази" ДУКнинг 20 нафардан ортиқ масъул ходимлари қатнашдилар.
Ўқув семинарини адлия вазири ўринбосари Музраф Икрамов Қарор ижросини сўзсиз таъминлаш юзасидан вазирлик ва идораларда амалга ошириладиган биринчи навбатдаги вазифалар хусусидаги маърузаси билан очиб берди. Сўнг Давлат хизматини ривожлантириш агентлиги вакиллари сўзга чиқиб, касбий маданият, хизмат фаолиятидаги ва хизматдан ташқари, шунингдек ташқи кўриниш ва кийиниш услубига оид умумий одоб-ахлоқ қоидалари тўғрисида фикр юритишди. Семинар давомида савол-жавоблар ҳам ўтказилди.
Марказда 595-сонли ВМҚ ижросини таъминлаш мақсадида 2022-йил 31-октябрдаги 118-сонли буйруқ тасдиқланган бўлиб, Марказ ва унинг таркибий бўлинмаларида ходимлар учун мажбурий бўлган идоравий одоб-ахлоқ қоидалари, идоравий одоб-аҳлоқ комиссияси таркиби, одоб-аҳлоқ борасида амалга ошириладиган чора-тадбирлар, тарғибот ва тушунтириш ишларини фаол олиб бориш масалалари белгилаб берилган.
Manba: www.agro.uz
2022-йилнинг 8-10-ноябрь кунлари Тошкент шаҳрида уруғлик картошкани етиштириш ва сертификатлаштириш бўйича тренинглар ҳамда семинарлар ўтказилди. Тадбирлар Ўзбекистон Республикаси Қишлоқ хўжалиги вазирлиги ҳамда Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФAО) қўшма лойиҳаси доирасида ташкил етилган. Тренинглар мавзуси “COVID-19"га жавобан картошкачилик секторини тиклаш ва ривожлантириш” бўлиб, уларни ФAОнинг картошка уруғчилиги бўйича халқаро експерти Меҳмет Эмин Чалишкан (Туркия) олиб борди.
Ушбу тренингларда жами 30 га яқин мутахассислар, жумладан, "Агросаноат мажмуида хизматлар кўрсатиш маркази" ДУК мутахассислари иштирок этдилар.
Машғулотлар давомида картошкани кўпайтириш ва сифатли уруғлик картошка экишнинг афзалликлари, уруғлик картошка етиштиришга қўйиладиган умумий талаблар ва бошқа муҳим жиҳатлар кўриб чиқилди. Мутахассис иштирокчиларга экиш учун жой танлаш, алмашлаб экиш, экишни бошқа экинлардан изоляциялаш, экиш зичлиги каби муҳим жиҳатларни ҳисобга олган ҳолда далага картошка уруғини экишнинг ўзига хос хусусиятларини тушунтириб берди. Тренингда сув ресурслари ва ўғитлардан фойдаланиш, бегона ўтлар, зараркунандалар ва касалликларга қарши курашиш усулларини ўрганишга алоҳида эътибор қаратилди.
"Семинардан кўзланган асосий мақсад Ўзбекистонда картошка етиштириш имкониятлари ва хавф-хатарларини умумлаштириб таҳлил қилишдан иборат. Умид қиламизки, тренинг ва семинардан сўнг биз Ўзбекистонда картошка уруғчилигини ривожлантириш дастурини яратиш учун қимматли маълумотларни оламиз”, — деди ФAОнинг картошка уруғчилиги бўйича халқаро эксперти Меҳмет Эмин Чалишкан.
Маълумот учун
Коронавирус пандемиясининг картошка етиштиришга ва мамлакатнинг озиқ-овқат хавфсизлигига салбий таъсирига қарши курашиш мақсадида Ўзбекистонда 2021-йилдан буён Ўзбекистон Республикаси Қишлоқ хўжалиги вазирлиги билан ҳамкорликда ФAОнинг “COVID-19га жавобан картошкачилик секторини тиклаш ва ривожлантириш” лойиҳаси амалга оширилмоқда. Лойиҳа Ўзбекистонда юқори, барқарор ва сифатли ҳосил етиштириш орқали картошка соҳасининг маҳсулдорлик салоҳиятини оширишга қаратилган. Картошка навларини рўйхатга олиш ва уруғлик сертификати тизимини такомиллаштириш, картошка етиштиришни модернизация қилиш, касаллик ва зараркунандалардан ҳимоя қилиш, маҳсулотларни сақлаш шароитларини яхшилаш бўйича илмий-тадқиқот ишларини такомиллаштириш, шунингдек, ушбу соҳада фаолият юритувчи фермерлар, агрономлар ҳамда бошқа мутахассисларни тайёрлаш бўйича ишлар олиб борилмоқда.
Манба: www.agro.uz
Poll
Contacts
Contact form