Янгиликлар

Жорий йил ҳосилидан вилоят бўйича жами 17 минг 112 тонна уруғлик дон жамғарилган

Қишлоқ хўжалиги экинларидан юқори ҳосил ва сифатли маҳсулот олишнинг асосий негизи уруғчиликка боғлиқ бўлиб, уруғ бозорини шакллантиришда уруғларни етиштириш, қайта ишлаш ҳамда навдорлик ва экинбоплик сифатларини назорат қилиш алоҳида аҳамият касб этади. "Ўзагроинспекция"нинг Наманган вилоят бошқармаси, Ўзбекистон Республикаси Қишлоқ хўжалиги вазирлиги ҳузуридаги “Уруғчиликни ривожлантириш маркази”, “Агросаноат мажмуида хизматлар кўрсатиш маркази” ДУК вилоят филиали билан ҳамкорликда "Учқўрғон уруғлик дон қабул қилиш" шохобчасида 2023 йил ҳосили учун сифатли уруғлик тайёрлаш мақсадида саралаш, тозалаш, дорилаш ва қадоқлаш ҳамда уруғлик дон тарқатиш шохобчаларига тарқатиш бўйича кўргазмали ўқув-семинари ўтказилди. Анжуманда таъкидланганидек, жорий йил ҳосилидан вилоят бўйича жами 17 минг 112 тонна уруғлик дон тайёрланди. Уларни белгиланган меъёр ва стандарт талабаларига мос равишда сақлаш билан бирга саралаш, дорилаш каби юмушлар ҳам бошланди. Вилоятдаги 5 та уруғлик донни қайта ишлаш цехларида тайёргарликнинг ҳолати, зарур захираларнинг яратилгани семинарда кенг муҳокама қилинди. Ушбу жараёнда “Ўзагроинспекция” ҳамда “Агросаноат мажмуида хизматлар кўрсатиш маркази” ДУК вилоят филиали мутахассислари томонидан стандарт талаблар асосида сифатли уруғлик тайёрлаш мақсадида тизимли ва қатъий назорат ўрнатилган бўлиб, уруғлик-дон тайёрлаётган цехларга инспекциянинг ҳудудий бўлимлари ходимлари бирикитирилди ва улар томонидан давлат стандарти талаби асосида уруғлик дон тайёрлаш, сақлаш, қайта ишлаш ва навлар аралашмаси бўйича доимий назорат ишлари олиб борилади. Семинар иштирокчилари "Учқўрғон уруғлик дон қабул қилиш" шохобчасининг мавсумга тайёргарлиги билан яқиндан танишдилар. Н. Исомитдинов, “Ўзагроинспекция” Наманган вилояти бошқармаси бош инспектори Манба: agroinspeksiya.uz

Posted in "Янгиликлар"

Published by agroxizmat on 2022 Июл 21

Аграр соҳада билим ва инновациялар тизими- Aгрохизматлар марказидан лавҳа

Тошкент вилояти аграр соҳада билим ва инновациялар тизими- Aгрохизматлар маркази (AKIS) Марказий Осиё учун янги тизим ҳисобланиб, унда фермер, деҳқон хўжаликлари, кластерлар, томорқа йер егалари учун кенг кўламдаги 100 дан ортиқ агрохизматларни тақдим етади. Мазкур Марказдан "Ўзагроинспекция" учун ҳам павилион ажратилган. Видео лавҳани ушбу ҳавола орқали кўришингиз мумкин. Манба: "Агроинспекция" матбуот хизмати

Posted in "Янгиликлар"

Published by agroxizmat on 2022 Июл 8

Пахта толасини классификациялаш, сертификатлаштириш ва маркетинг" курсларида якуний имтиҳонлар бўлиб ўтди

Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси қошидаги "Агросаноат мажмуида хизматлар кўрсатиш маркази" давлат унитар корхонасининг "Пахта маҳсулотларни классификациялаш, сертификатлаштириш ва маркетинги курси"нинг 2-2022-сонли гуруҳи тингловчилари якуний имтиҳонлардан мувафақиятли ўтдилар. Ушбу имтиҳонларни Ўзагроинспекция ҳамда Марказнинг малакали мутахассислари қабул қилиб, тингловчиларга маҳсус сертификатлар тақдим этдилар.

Posted in "Янгиликлар"

Published by agroxizmat on 2022 Июн 24

Конституцион ислоҳотлар - ривожланиш учун муҳим қадам

Ўзбекистон "Адолат" социал-демократик партиясининг Сиёсий Кенгаши ташаббуси билан “Агросаноат мажмуида хизматлар кўрсатиш маркази” давлат унитар корхонасида "Конституцион ислоҳотлар - ривожланиш учун муҳим қадам" мавзусида тадбир ташкил этилди. Тадбирда Марказ раҳбарияти, бошқарма ва бўлим ходимлари иштирок этдилар. Йиғилиш давомида Конституцион ислоҳатларнинг мақсади ва самараси бўйича тушунчалар берилиб, Марказ ходимлари томонидан Ўзбекистон Республикаси Конституциясига ўзгартириш ва қўшимчалар киритиш бўйича ўз таклиф ва фикрларини билдирдилар.

Posted in "Янгиликлар"

Published by agroxizmat on 2022 Июн 10

II-2022-сонли ўқув гуруҳида амалий машғулотлар бўлиб ўтди

Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси қошидаги "Агросаноат мажмуида хизматлар кўрсатиш маркази" давлат унитар корхонасининг "Пахта толасини классификациялаш, сертификатлаштириш ва маркетинг" курсларининг 6 кишидан иборат II-2022 гуруҳи жорий йилнинг 20 май санасида "APK BUKA paxta textile cluster" ИЧКда тасдиқланган ўқув-тематик режага кўра амалий машғулотларда қатнашдилар. Ушбу машғулотларни Марказнинг малакали мутахассиси М. Арипжанов олиб борди.Машғулотлар жараёнида пахта хомашёсини қайта ишлаш, пахта толасини тозалаш, пресслаш жараёнларни ўрганиш бўйича тингловчиларга маълумотлар берилди.

Posted in "Янгиликлар"

Published by agroxizmat on 2022 Май 20

Марказда "Пахта толасини классификациялаш, сертификатлаштириш ва маркетинг" ўқув курсларининг навбатдаги гуруҳи очилди

Марказ директорининг жорий йилнинг 25 февралдаги 18 и/ч-сонли буйруғига асосан 17 майдан "Пахта толасини классификациялаш, сертификатлаштириш ва маркетинг" ўқув курсида навбатдаги гуруҳ ўз фаолиятини бошлади. Ушбу ўқув курси жами 248 соатдан иборат бўлиб, Ўзбекистон Республикаси ва хорижий мамлакатларда пахта толасини стандартлаштириш ва сертификатлаштириш, маркетинг асослари, пахтани дастлабки ишлаш регламенти, ёнғин хавфсизлиги каби мавзуларидан ташкил топган. Ўқув курсларида Республикамизнинг пахта кластерлари ва Марказнинг пахта йўналиши ходимлари тингловчи сифатида қатнашмоқдалар.

Posted in "Янгиликлар"

Published by agroxizmat on 2022 Май 17