Алоқа
Ўзбекистон Республикаси, Тошкент шаҳри, M-14, 27 уй
Телефон: +998 (71) 244-87-49
Факс: +998 (71) 244-87-49
E-mail: info@agroxizmat.uz
Марказнинг уруғчилик йўналишида амалга оширилаётган ишлар тўғрисидаги видео лавҳа
2021 йилнинг 10 - 11 май санасида Франциянинг Европа ва ташқи ишлар вазирлиги ҳузуридаги Ташқи савдо ва иқтисодиёт бўйича вазир-делегати Ф.Ристер бошчилигида делегация Ўзбекистонга ташриф буюрди.
Ташриф доирасида, "MEDEF International" тадбиркорлар ҳаракати билан биргаликда ўзбек-француз бизнес-форуми ўтказилиши баробарида, қишлоқ хўжалигида агрологистика марказини очиш ва бошқариш бўйича “RUNGIS SEMMARIS” компанияси, иссиқхона тармоғини ривожлантириш бўйича “RICHEL GROUP” компанияси ва уруғчилик тармоғини ривожлантириш бўйича “ADEPTA” компанияси вакиллари билан учрашувлар бўлиб ўтди.
Жумладан, “ADEPTA” компанияси раиси, шу билан бирга “SEMAE” компанияси маслаҳатчиси ҳисобланган жаноб Франсуа Бурго билан Марказ раҳбарияти ўртасида учрашув бўлиб ўтди.
Учрашувда, “ISTA”, “EC” ва “OECD” халқаро ташкилотлари томонидан белгиланган нормаларга мувофиқ сертификатлаштириш ва назорат тизимини стандартлаштириш борасида амалий маслаҳатларини бериб боришига келишиб олинди.
Марказ директорининг жорий йилнинг 21 майдаги 108 и/ч-сонли буйруғига асосан 24 майда "Пахта толасини классификациялаш, сертификатлаштириш ва маркетинг" ўқув курсида 2-2021-сонли гуруҳи фаолиятини бошлади. Ушбу ўқув курси жами 354 соатдан иборат бўлиб, Ўзбекистон Республикаси ва хорижий мамлакатларда пахта толасини стандартлаштириш ва сертификатлаштириш, маркетинг асослари, пахтани дастлабки ишлаш регламаенти, ёнғин хавфсизлиги каби мавзуларидан ташкил топган. Ўқув курсида Республикамизнинг пахта кластерлари ва Марказнинг пахта йўналиши ходимлари тингловчи сифатида қатнашмоқдалар. Ўқув амалиёт дарслари 2 июлгача давом этади.
Жорий йилнинг 21 май санасида Марказнинг пахта, уруғчилик ва дон йўналишлари ҳамда ҳудудий филиалларда навбатдаги техник машғулотлари бўлиб ўтди. Ушбу техник машғулотлар "Пахта техник чигитини синаш усуллари", "Дала тажриба майдонида экилган буғдой нав намуналарининг навдорлигини баҳолаш" мавзуларида олиб борилди.
Ушбу техник ўқув амалиёт дарсларини Марказнинг малакали ва тажрибага эга мутахассислар қаторида ёш ходимлар ҳам олиб боряпти.
Шунингдек 20-21 май саналарида Zoom дастури орқали коррупцияга қарши курашиш бўйича ўқув машғулотлари бўлиб ўтди. Ушбу машғулотларни Юристлар малакасини ошириш марказининг тажрибали мутахассислари олиб бордилар.
Жорий йилнинг 7 май санасида Марказнинг пахта, уруғчилик ва дон йўналишлари ҳамда ҳудудий филиалларда навбатдаги техник машғулотлари бўлиб ўтди. Ушбу техник машғулотлар O'zDSt ISO/IEC 17065:2015 "Холислик менежменти. Мажбуриятлар ва молиялаштириш. Камситишни истисно қилиш" давлат стандарти, O'zDSt 604 "Пахта толаси. Техник шартлар","Ғалла майдонларида учрайдиган касаллик ва зараркунандаларга қарши курашиш чоралари" мавзуларида олиб борилди.
Ушбу техник ўқув амалиёт дарсларини Марказнинг малакали ва тажрибага эга мутахассислар қаторида ёш ходимлар ҳам олиб боряпти.
Жорий йилнинг 28 апрель санасида Zoom платформаси орқали Марказ директорининг 2021 йил 2 мартдаги 36-и/ч буйруғига мувофиқ онлайн ўқув-семинар машғулотлари бўлиб ўтди. Ушбу семинарни Марказнинг пахта йўналиши мутахассислари "Пахта толаси, момиғи ва техник чигит маҳсулотларини сертификатлаштириш тартиблари" мавзусида олиб бордилар. Ўқув-семинар машғулотларида Марказ раҳбарияти, марказий аппарат, ҳудудий филиаллар ходимлари иштирок этдилар.
Сўровнома
Алоқа
Қайта боғланиш