Contacts
Address: Uzbekistan, Tashkent, M-14, 27
Phone: +998 (71) 244-87-49
Fax: +998 (71) 244-87-49
E-mail: info@agroxizmat.uz
Joriy yilning 18 iyul kuni "O‘zagroinspeksiya" qoshidagi "Qishloq xo‘jaligi mahsulotlari sifatini baholash" davlat muassasasining markaziy urug‘chilik laboratoriyasiga Turkiya davlatining O‘zbekistondagi elchixonasining Qishloq xo‘jaligi masalalari bo‘yicha maslahatchisi janob Burhan Demirok tashrif buyurdi.
Tashrif davomida, Burhan Demirok Markaz faoliyati, shuningdek, qishloq xo‘jaligi ekinlari urug‘lari va ko‘chatlarining ekinbopligi, GMO va xavfsizligini aniqlash, paxta tolasi va momig‘ini sinovdan o‘tkazish hamda don va don mahsulotlarini sinovdan o‘tkazish jarayonlari bilan yaqindan tanishdi.
Joriy yilning 5-iyul sanasida "Paxta tolasini klassifikatsiyalash, sertifikatlashtirish va marketing" oʼquv kurslarining I-2024-sonli guruhida yakuniy imtihonlar bo'lib o'tdi. Ushbu imtihonlar Markazning tajribali mutaxassislari tomonidan o'tkazilib, yakunda kurs tinglovchilariga maxsus sertifikatlar topshirildi.
Respublikamiz davlat ramzlari xalqimizning tarixiy xotirasi, buguni, kelajagi, orzu-umidlarini o‘zida mujassam etib, tinch va osoyishta, ozod va erkin hayotimiz, yorug‘ kelajagimizga bo‘lgan ishonchimiz ifodasidir.
Davlatimiz gerbi 1992 yil 2 iyulda O‘zbekiston Respublikasining Oliy Kengashi tomonidan qabul qilingan qonun bilan tasdiqdangan.
Gerbimiz davlatimizning siyosiy, milliy, xo‘jalik, jug‘rofiy, etnik va boshqa o‘ziga xos xususiyatlarini hamda boy tarixiy an’analarini o‘zida mujassamlashtirgan.
Unda tog‘lar, daryolar va so‘l tomoni bug‘doy boshoqlaridan, o‘ng tomoni esa milliy boyligimiz paxta chanoqlari qiyg‘os ochilgan g‘o‘za shoxlaridan iborat chambarakka o‘ralganligi hamda gullagan vodiy uzra quyosh zarrin nurlarini sochib turishi aks ettirilgan.
O‘zbekiston Respublikasi Prezidentining 2024-yil 21-fevraldagi “O‘zbekiston-2030” strategiyasini "Yoshlar va biznesni qo‘llab quvvatlash yili”da amalga oshirishga oid davlat dasturi to‘g‘risida”gi PF-37-son Farmonida belgilangan vazifalarning ijrosini tashkil etish hamda 30-iyun “Yoshlar kuni”ni munosib nishonlash maqsadida joriy yilning 28-iyun kuni Markazda “Rahbar va yoshlar uchrashuvi” hamda “Sog‘lom turmush – buyuk kelajak” shiori ostida sport musobaqasi tashkil etildi. Ushbu tadbirda faol ishtirok etgan xodimlar faxriy yorliq va sovg‘alar bilan taqdirlandilar.
O‘zbekiston Respublikasi Qishloq xo‘jaligi vazirligi huzuridagi Agrosanoat majmui ustidan nazorat qilish inspeksiyasi qoshidagi “Qishloq xo‘jaligi mahsulotlari sifatini baholash markazi” davlat muassasasi “Paxta tolasini klassifikatsiyalash, sertifikatlash va marketing” kursi o‘z faoliyatini davom ettirmoqda.
Bugungi kunda 1-2024 sonli o‘quv kursida 4 kishidan iborat tinglovchilar tahsil olmoqda. Ushbu kurs tinglovchilari uchun tasdiqlangan o‘quv tematikaga asosan, to‘qimachilik korxonalarning texnologik jarayoni o‘rganish va amalda tanishish o‘quv-amaliy mashg‘ulotlari kiritilgan. Shunga ko‘ra, joriy yilning 26 iyun kuni "REALTEKS Tashkent" MChJda Markazning tajribali mutaxassisi O. Miraxmedov boshchiligida amaliy mashgʼulotlar boʼlib oʼtdi.
Joriy yilining 8-may sanasida «Аgrosanoat majmui ustidan nazorat qilish inspeksiyasi qoshidagi “Qishloq xoʼjaligi mahsulotlari sifatini baholash markazi” davlat muassasasida Oʼzbekiston Respublikasi Qishloq xoʼjaligi vazirligi, Oʼzbekiston texnik jihatdan tartibga solish agentligi, Oʼzbekiston Respublikasi paxta toʼqimachilik klasterlari uyushmasi, Oʼzyogʼmoysanoat uyushmasi, "Paxtasanoat Ilmiy Markazi" АJ , "Real agro cotton" UK va "APK BO'KA" UK korxonalaridan tashrif buyurgan mutaxassislar tomonidan Paxta texnik chigit tashqi koʼrinish standart namunasi O'zDSt 596:2014 “Texnik chigit. Texnik shartlar” standarti talablari asosida tayyorlangan asosiy tashqi koʼrinish standart namunalari muddati tugaganligi sababli, yangi ichshi guruh tomonidan qayta koʼrib chiqilib, taklif va eʼtirozlarni inobatga olinib, keyingi 3 yil muddatga uzaytirildi.
Poll
Contacts
Contact form