Новости

Ҳашар - элга ярашар

Обод юртнинг файзи, таровати ўзгача бўлади. Шунинг учун ҳам халқимизда азалдан тозалик ва орасталикка, ободончилик ишларига алоҳида эътибор қаратиб келинган. Зотан, озодалик, поклик, саранжом ва саришталик юртимизнинг янада кўркам бўлишига замин яратади. Юртимизда байрам, муҳим саналар олдидан умумхалқ ҳайрия ҳашарини ўтказиш ва шу орқали ҳудудларни ободонлаштириш яхши анъанага айланган. “Қишлоқ хўжалиги маҳсулотлари сифатини баҳолаш маркази “ давлат муассасаси ҳамда унинг худудий филиалларида ҳам ана шундай анъана – ҳашар амалга оширилмоқда. Ушбу ҳашар эрта тонгданоқ уюшқоқлик билан бошланди. Ходимлар томонидан ҳудуддаги ерлар ва бинолар, хоналар, ариқлар шох-шабба ва чиқиндилардан тозаланиб, дарахтлар оқланди ва уларга шакл берилди Ўзаро меҳр-оқибат ва ҳамжиҳатлик муҳитини мужассам этган ҳамда ҳудудни ободонлаштириш мақсадида ўтказилаётган ушбу ҳашар юртимизни янада обод ва файзли бўлишида ўзига хос хайрли тадбир вазифасини ўтайди.

Posted in "Новости"

Published by agroxizmat on 15 марта 2025 г.

Марказда 8-март байрами билан тадбир бўлиб ўтди

Тадбир аввалида сўзга чиққан Марказ директори Ж.Каримов тизимда фаолият олиб бораётган барча хотин-қизларни нафосат байрами 8-март куни муносабати билан табриклаб, қишлоқ хўжалигида аёлларнинг тутган ўрни ҳамиша эътиборда эканлигини таъкидлаб ўтди. Тадбир сўнгида Марказда фаолият юритаётган аёлларга эсдалик совғалар тақдим этилди.

Posted in "Новости"

Published by agroxizmat on 07 марта 2025 г.

Туркия давлатининг “ТМО” “Тупроқлар маҳсулотлари давлат ташкилоти” ўртасида ҳамкорликда ишлар олиб бориш юзасидан муҳокамалар олиб борилди

Туркия ун саноати федерaцияси – (ТУСАФ) томонидан ташкил қилинган “Барқарор келажак” номли ХIХ-Халқаро конгресси доирасида Туркия давлатининг “ТМО” “Тупроқлар маҳсулотлари давлат ташкилоти” раҳбари Ахмет Гулдан томонидан дон маҳсулотлари устидан назоратларни амалга ошириш, маҳсулотларини сифатини баҳолаш, мутахассисларни малакасини ошириш бўйича хамкорлик ишлашга тайёрлиги билдирилди. Шу билан бирга “Қишлоқ хўжалиги маҳсулотлари сифатини баҳолаш маркази” ДМ ходимлари “ТМО” ташкилотига қарашли Анкара шаҳрида жойлашган Дон ва дон маҳсулотларини синовдан ўтказиш Марказий лабораторияси билан яқиндан танишилди. Мазкур лабораторияда делегaция аъзолари янги замонавий синов жиҳозларида синовлар ўтказиш жараёнларида иштирок этдалар ва ICC халқаро стандартлар бўйича дон маҳсулотларини баҳолаш усуллари билан танишишга эришдилар.

Posted in "Новости"

Published by agroxizmat on 21 февр. 2025 г.

Туркия ун саноати федерatsiяси–(ТУСАФ) томонидан Туркиянинг Анталия шаҳрида жорий йилнинг 13–16-феврал кунлари “Барқарор келажак” номидаги ХIХ-Халқаро конгресси бўлиб ўтди

Конгрессда, ун, макарон ва ем ишлаб чиқарувчилар, уларни етказиб берувчилар, ун тегирмон ускуналари ва нон маҳсулотлари ишлаб чиқарувчилар корхоналар раҳбарлари ва мутахассислари, 1300 дан ортиқ миллий, 40 нафар халқаро делегатлар, 500 дан ортиқ компаниялар ва 1000 дан ортиқ йирик ташкилот вакиллари, жумладан, Ўзбекистон Республикаси Вазирлар Маҳкамаси ҳузридаги Агросаноат мажмуи устидан назорат қилиш инспекцияси ва "Қишлоқ хўжалиги маҳсулотлари сифатини баҳолаш маркази" ДМ ходимларидан иборат 4 нафар мутахассислари иштирок этишди. "Ўзагроинспекция" мутахассислари томонидан Конгресс иштирокчиларига Ўзбекистон Республикасида дон ва ун соҳасидаги ислоҳотлар ва қилинган ишлар юзасидан маълумотлар билан улашилди. Шу билан бирга дон ва уни қайта ишлаш соҳасидаги инновацион технологиялар билан танишилди. "Ўзагроинспекция" делегатлари томонидан мазкур Конгресс давомида дон ва дон маҳсулотларини клейковина ва нонвойбоплик сифатини ошириш ва экспорт боб маҳсулот ишлаб чиқариш бўйича инновацион технологиялар билан танишишга эришилди.

Posted in "Новости"

Published by agroxizmat on 20 февр. 2025 г.

Марказда оилаларни мустаҳкамлаш ва хотин-қизларнинг фаоллигини ошириш ҳамда хотин-қизларни тазйиқ ва зўравонликдан ҳимоя қилиш бўйича давра суҳбати бўлиб ўтди

Жорий йилнинг 18-феврал куни “Қишлоқ хўжалиги маҳсулотлари сифатини баҳолаш маркази” давлат муассасасида Ўзбекистон Республикасининг 2019-йил 2-сентябрдаги “Хотин-қизларни тазйиқ ва зўравонликдан ҳимоя қилиш тўғрисида”ги ЎРҚ-561-сон Қонуни ҳамда Ўзбекистон Республикаси Президентининг оилаларни мустаҳкамлаш ва хотин-қизларнинг фаоллигини ошириш бойича ПҚ-401 сонли Қарори жросини таъминлаш бўйича давра суҳбати бўлиб ўтди. Ушбу тадбирни Марказнинг Хотин-қизлар масалалари бўйича бошланғич ташкилот раиси С. Усмонова олиб борди. Мамлакатимиз фуқароларининг катта қисмини ёшлар ва хотин-қизлар ташкил етади. Aҳолининг 49,7 фоизи ҳамда меҳнат ресурсларининг 45 фоизи аёллар ҳиссасига тўғри келмоқда. Демак, юртимиздаги ижтимоий масалаларнинг аксарияти улар ҳаёти билан чамбарчас боғлиқ. Суҳбат давомида хаётда инсоннинг шаъни ва қадр-қиммати дахлсизлиги, ҳеч нарса уларни камситиш учун асос бўлиши мумкин емаслиги. таъкидлаб ўтилди. Йиғилиш давомида ҳеч ким қийноққа солиниши, зўравонликга, бошқа шафқациз, ғайриинсоний ёки инсон қадр-қимматини камситувчи муомалага ёхуд жазога дучор етилиши мумкин емаслиги ҳақида сўз олиб бордилар. Давра суҳбатида аёллардан турли хил савол жавоблар ва қизиқарли фикр ва мулоҳазалар билдирилди.

Posted in "Новости"

Published by agroxizmat on 19 февр. 2025 г.

Марказда Касаба уюшмаси қўмитасининг ҳисоботлари тингланди

2025-йил 12-февраль куни "Қишлоқ хўжалиги маҳсулотларини сифатини баҳолаш маркази" давлат муассасаси касаба уюшмаси қўмитасининг 2020-2025 йиллар мобайнидаги фаолияти якунлари бўйича ҳисобот-сайлов йиғилиши ўтказилди. Ҳисобот-сайлов йиғилишида касаба уюшмаси қўмитаси ва тафтиш комиссияси раисларининг ҳисоботлари тингланди. Шундан сўнг, касаба уюшмаси қўмитаси Раиси, таркиби ва тафтиш комиссияси, марказий аппарат ҳамда ҳудудий вилоят филиаллари ходимлари иштирокида очиқ овоз бериш йўли орқали сайланди.

Posted in "Новости"

Published by agroxizmat on 12 февр. 2025 г.