Контакты
Адрес: Республика Узбекистан , г. Ташкент, M-14, 27д
Телефон: +998 (71) 244-87-49
Факс: +998 (71) 244-87-49
E-mail: info@agroxizmat.uz
“Қишлоқ хўжалиги маҳсулотлари сифатини баҳолаш маркази” давлат муассасаси ҳамда вилоят филиалларида “Ўзбек тили байрами" куни муносабати билан жорий йилнинг 21-октябрь куни онлайн тарзда тест синовлари ташкиллаштирилди.
Тест синовларида ҳар бир иштирокчи учун 25 тадан тест саволлари берилди ва жавобларни белгилаш учун 30 дақиқа вақт ажратилди. Ҳар бир тўғри жавоб учун 4 балл берилди.
Ушбу тест синовларида 57 нафар ходимлар қатнашдилар. Энг юқори балл олган ходимлар пул мукофоти билан тақдирландилар.
Ўзбекистон Республикаси Фанлар академияси академик О.С.Содиқов номидаги биоорганик кимё институти ходимлари билан биргаликда Ўзбекистон ва Беларусь республикаларида етиштирилаётган бошоқли экинлар майдонларида учрайдиган Eurygaster ва Aelia туркумидаги (клоп-черепашка) қалқондор қандаларнинг феромонли коммуникaциясини ўрганиш FL-7923051811 илмий лойиҳа амалга ошириш бўйича Марказнинг тажриба майдонлари кўздан кечирилди. Келгусида бошоқли донларни вегетaция даврида феромонларни синаш ва ҳамкорликда илмий ишларни амалга ошириш режалаштирилди.
“Ўзагроинспекция” қошидаги “Қишлоқ хўжалиги махсулотлари сифатини баҳолаш маркази” ДМ марказ балансидаги жисмонан ва техник жихатдан эскирган асосий воситаларни: офис техникалари, лаборатория жихозлари, компютерлар, принтерлар, хўжалик моллари, инвертарлар ва бошқаларни утилизация қилиш ва техник хулосалар бериш бўйича хизматлар кўрсатишга масъул ташкилотлардан тижорат таклифларини қабул қилишини эълон қилади.
Ҳабарингиз бор Туркия Республикасидан “Ўзбек-Турк уруғчилик тест маркази”ни очиш лойиҳасини амалга ошириш мақсадида келган делегация бир ҳафта давомида Ўзбекистонда бўлди.
Бир гуруҳ мутахассислар билан «Ўзагроинспекция» қошидаги “Қишлоқ хўжалиги маҳсулотлари сифатини баҳолаш маркази” давлат муассасаси билан ҳамкорлик масалалари ижобий муҳокама қилинди ва бу ерда тез орада ташкил этиладиган Марказда Халқаро ISTA ташкилоти талаблари асосида сабзавот ва полиз экинлари уриғларига ISTA сертификатларини бериш фаолияти йўлга қўйилади.
Туркия Республикаси делегацияси ташрифи натижалари юзасидан лавҳа
Қишлоқ хўжалиги вазирлиги ҳузуридаги Уруғчиликни ривожлантириш Маркази раҳбарияти, "Ўзагроинспекция", "Қишлоқ хўжалиги маҳсулотлари сифатини баҳолаш маркази" давлат муассасаси вакиллари ва Туркия Қишлоқ ва ўрмон хўжалиги вазирлигининг Ўсимликшунослик бош бошқармаси Уруғчилик бўлими бошлиғи Фатиҳ Аҳмет бошчилигидаги делегация билан учрашди.
Делегация аъзолари Марказ фаолияти билан яқиндан таништирилиб, уруғчилик бўйича амалдаги қонун ва қонуности норматив ҳужжатлар, соҳа мутахассисларини малакасини ошириш, тажриба алмашиш каби масалаларни кўриб чиқдилар. Икки томон вакиллари “Агроинспекция”да “Ўзбек-Турк” уруғчилиги тест маркази ташкил топишидан мамнуният билдирди.
Шундан сўнг меҳмонлар Тошкент вилояти, Бўстонлиқ туманида фаолият юритаётган “Агровер” МЧЖ компаниясига ташриф буюришди.
Маълумот учун: “Агровер” МЧЖ – картошка кластерининг маркази бўлиб, у ўзида корхона ва мутахассисларни бирлаштиради, унинг асосий мақсади қишлоқ хўжалигини жадал ривожлантириш ва энг муҳим стратегик маданияти бўлган картошкани амалга оширишдир.
Ташриф давомида Туркиялик мутахассислар Давлат ва хусусий ташкилотлар билан ўзаро алоқалар ўрнатилганлик даражаси билан яқиндан танишишди.
Аграр ва озиқ-овқат хавфсизлиги тизимидаги хусусий секторни ўрни ҳамда маҳсулотларни сифатини баҳолаш ва сертификатлаштириш фаолиятига доир жараёнлар юзасидан тақдимотлар намойиш этилди.
Учрашув томонлар ўртасида савол-жавоб тарзида ташкил этилиб, халқаро экспертларнинг саволларига "Ўзагроинспекция" ҳамда “Агровер” МЧЖ мутахассислари томонидан атрофлича жавоб ва тушунтиришлар берилди.
Учрашув якунида, Туркиянинг соҳа вакиллари “Агровер” МЧЖда олиб борилаётган ишлар ҳамда давлат сектори билан ҳамкорлик яхши йўлга қўйилганлиги ва халқаро даражада амалга оширилаётганлигини таʼкидлади.
Учрашув томонлар ўртасида самимий ва кўтаринки руҳда кечди.
Хабарингиз бор, куни кеча «Ўзагроинспекция» фаолияти билан яқиндан танишиш ҳамда “Ўзбек-Турк уруғчилик тест маркази”ни очиш лойиҳасини амалга ошириш мақсадида Ўзбекистонга Туркия делегацияси ташриф буюрди.
Ушбу делегация таркибида Туркия Қишлоқ ва ўрмон хўжалиги вазирлигининг Ўсимлик саноати бош бошқармаси Уруғчилик бўлими бошлиғи Фатиҳ Аҳмет ЙЕНТУР бошчилигида вазирликнинг Европа Иттифоқи Ташқи алоқалар бош бошқармаси муҳандиси Мустафа УЗ, ТТСМ - Уруғларни синаш ва сертификатлаштириш маркази дирекцияси муҳандиси Булент ЎЗТУРК, ЭCОСА - Иқтисодий ҳамкорлик Мамлакатлар уруғчилиги ассотсиатсияси бош котиби Муҳтешем ТОРУН ва ТСÜАБ - Уруғчилик саноатчилар ва ишлаб чиқарувчилари қуйи Иттифоқи қишлоқ хўжалиги муҳандиси Али ГУМУШлар ташриф буюришди. Уларга Туркиянинг Ўзбекистондаги элчихонаси қишлоқ хўжалиги масалалари бўйича атташеси Бурҳан Демирок жаноблари ҳамроҳлик қилди.
Ташриф давомида меҳмонлар «Ўзагроинспекция» ва унинг қошидаги “Қишлоқ хўжалиги маҳсулотлари сифатини баҳолаш маркази” давлат муассасасида бўлишиб, Инспекциянинг уруғчилик соҳасидаги фаолияти билан яқиндан танишдилар ҳамда жорий йил 5 - 6 июн кунлари икки мамлакат Раҳбарлари учрашувида очилиши режалаштирилган “Ўзбек-Турк уруғчилик тест маркази”ни «Ўзагроинспекция»да ташкил этиш бўйича музокаралар ўтказилди.
Шунингдек, Туркия делегацияси томонидан режалаштирилган “Ўзбек-Турк уруғчилик тест маркази”ни халқаро ИСТА қоидалари асосида ташкил қилиш таклифи билдирилди. Бунда, ушбу ташкил қилинадиган марказда Халқаро ИСТА талаблари асосида сабзавот, полиз экинлари уруғларига ИСТА сертификатларини бериш фаолияти йўлга қўйилади.
Учрашувда, томонлар ўртасида келгусида амалга ошириладиган ишлар юзасидан фикрлар алмашиниб, «Ўзагроинспекция»да “Ўзбек-Турк уруғчилик тест маркази”ни ташкил қилиш бўйича ишларни жадаллаштиришга келишиб олинди.
Ташриф тафсилотлари батафсил ёритиб борилади
Опрос
Контакты
Форма обратной связи