Yangiliklar

Марказда онлайн ўқув-семинар машғулотлари бўлиб ўтди

Жорий йилнинг 14 апрель санасида Zoom платформаси орқали Марказ директорининг 2021 йил 2 мартдаги 36-и/ч буйруғига мувофиқ онлайн ўқув-семинар машғулотлари бўлиб ўтди. Ушбу семинарни Марказнинг уруғчилик йўналиши бўлим бошлиғи У. Абдусаматов "Бошоқли дон экинлари уруғларини нав тозалигини баҳолаш" мавзусида олиб борди. Ўқув-семинар машғулотларида Марказ раҳбарияти, марказий аппарат, ҳудудий филиаллар ходимлари иштирок этдилар.

Posted in "Yangiliklar"

Published by agroxizmat on Apr 16, 2021

Ўқув курсларида амалий машғулотлар бўлиб ўтди

Марказнинг "Пахта толасини классификациялаш, сертификатлаштириш ва маркетинг" курсларининг 8 кишидан иборат I-2021 гуруҳи жорий йилнинг 14 апрель санасида "Global textile solutions" МЧЖда тасдиқланган ўқув-тематик режага кўра амалий машғулотлар бўлиб ўтди. Ушбу машғулотларни Марказнинг малакали мутахассиси - О. Мирахмедов олиб борди ва машғулотлар жараёнида пахта толасини тўқимачилик корхонасида қайта ишлаш, олинган ип калавалар ва тўқимачилик маҳсулотлари бўйича тингловчиларга маълумотлар берилди.

Posted in "Yangiliklar"

Published by agroxizmat on Apr 15, 2021

Марказда навбатдаги ўқув- амалиёт машғулотлари бўлиб ўтди

Жорий йилнинг 9 апрель санасида Марказнинг пахта, уруғчилик ва дон йўналишлари ҳамда ҳудудий филиалларда навбатдаги техник машғулотлари бўлиб ўтди. Техник машғулотлар O'zDSt 17065:2015 "Сертификатлаштириш идорасига қўйиладиган талаблар" давлат стандарти, ДНК ва электрофорез усулида бўғдойнинг нав тозалигини аниқлаш мавзуларида олиб борилди. Ушбу техник ўқув амалиёт дарсларини Марказнинг малакали ва тажрибага эга мутахассислар қаторида ёш ходимлар ҳам олиб боряпти.

Posted in "Yangiliklar"

Published by agroxizmat on Apr 9, 2021

Markazga Jahon banki vakillarining tashrifi

Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси қошидаги “Агросаноат мажмуида хизматлар кўрсатиш маркази”нинг уруғчилик йўналиши лабораторияларини модернизация қилиш бўйича Жаҳон банки вакилларининг ташрифи Жорий йилнинг 1 апрель куни Ўзбекистон Республикаси Агросаноат мажмуи ва озиқ-овқат таъминоти соҳасидаги лойиҳаларни амалга ошириш агентлиги вакиллари ҳамда халқаро эксперт Dr. Амир Хумоюн Малик (Dr.Amir Humayun Malik) Марказнинг уруғчилик йўналишидаги “Қишлоқ хўжалиги экинлари уруғларини экинбоплик сифат кўрсаткичларини аниқлаш марказий лабораторияси”га ташриф буюрди. Марказнинг уруғчилик йўналишидаги лабораторияларини тубдан модернизация қилиш юзасидан Жаҳон банки томонидан ажратилган 4 млн АҚШ доллари маблағлари ҳисобига харид қилинадиган ўлчов воситалари ва синов қурилмалари рўйхатини қайта шакллантириш ва 2021 йилнинг якунига қадар харид қилинишига келишиб олинди. Учрашув чоғида, халқаро эксперт Dr. Амир Хумоюн Малик (Dr.Amir Humayun Malik)га Марказнинг “Қишлоқ хўжалиги экинлари уруғларини экинбоплик сифат кўрсаткичларини аниқлаш марказий лабораторияси” ҳамда унда олиб борилаётган синов жараёнлари таништирилди. Халқаро эксперт билан лаборатория ходимлари ўртасида савол-жавоблар ўтказилди.Лойиҳа бўйича навбатдаги учрашувда Марказнинг уруғчилик йўналишидаги лабораторияларини модернизациялаш юзасидан тақдимот ўтказиш 2021 йилнинг 8-9 апрель кунларига келишиб олинди.

Posted in "Yangiliklar"

Published by agroxizmat on Apr 1, 2021

Марказда онлайн ўқув семинари бўлиб ўтди

Жорий йилнинг 31 март санасида Марказда Zoom дастури орқали онлайн ўқув семинари бўлиб ўтди. Ушбу семинарда марказий аппарат, йўналиш мутахассислари ва ҳудудий филиаллар ходимлари қатнашдилар. Ўқув-семинар машғулотлари Марказ диркторининг 2021 йил 2 мартдаги буйруғи ва ўқув семинарлар режасига мувофиқ ўтказилди. Машғулотларни Марказ директорининг биринчи ўринбосари Х. Магрупов очиб берди. Сўнг техника хавфсизлиги муҳандиси О. Мирахмедов томонидан меҳнат муҳофазаси ва техника хавфсизлиги бўйича ўз маърузаси билан чиқиш қилиб, ушбу соҳага тегишли норматив-ҳуқуқий ҳужаттлар, олиб борилаётган ишлар ва келажакдаги режалар бўйича гапириб ўтди. Ўқув-семинар машғулотларининг иккинчи яримида ижро интизоми ва ҳужжатлар билан ишлаш тартиби бўйича Марказ девонхонасининг бош мутахассиси Н. Уралов томонидан қатнашчиларга ҳужжатларни тўғри расмийлаштириш ва юритиш, электрон ҳужжат алмашуви тизмида ҳужжатларни ижросини таъминлаш юзасидан маълумот ва тавсиялар бериб ўтди. Семинар якунида маърузачилар иштирокчилар томонидан берилган саволларга батафсил жавоб бериб ўтдилар.

Posted in "Yangiliklar"

Published by agroxizmat on Mar 31, 2021

Эксперт-аудитор мақомини олиш учун имтихонлар бўлиб ўтди

Жорий йилнинг 26 март санасида Марказнинг мажлислар залида эксперт-аудитор мақомини олиш учун ҳудудий филиалларнинг пахта йўналиши ходимлари имтихон топширдилар. Ушбу имтихонларни «Стандартлаштириш, сертификатлаштириш ва техник жиҳатдан тартибга солиш илмий-тадқиқот институти» давлат муассасаси (Стандартлар институти) тажрибали ходимлари қабул қилишди.

Posted in "Yangiliklar"

Published by agroxizmat on Mar 26, 2021