Hashar - elga yarashar

Obod yurtning fayzi, tarovati o‘zgacha bo‘ladi. Shuning uchun ham xalqimizda azaldan tozalik va orastalikka, obodonchilik ishlariga alohida e’tibor qaratib kelingan. Zotan, ozodalik, poklik, saranjom va sarishtalik yurtimizning yanada ko‘rkam bo‘lishiga zamin yaratadi.

Yurtimizda bayram, muhim sanalar oldidan umumxalq hayriya hasharini o‘tkazish va shu orqali hududlarni obodonlashtirish yaxshi an’anaga aylangan. “Qishloq xo‘jaligi mahsulotlari sifatini baholash markazi “ davlat muassasasi hamda uning xududiy filiallarida ham ana shunday an’ana – hashar amalga oshirilmoqda. Ushbu hashar erta tongdanoq uyushqoqlik bilan boshlandi. Xodimlar tomonidan hududdagi еrlar va binolar, xonalar, ariqlar shox-shabba va chiqindilardan tozalanib, daraxtlar oqlandi va ularga shakl berildi

O‘zaro mehr-oqibat va hamjihatlik muhitini mujassam etgan hamda hududni obodonlashtirish maqsadida o‘tkazilayotgan ushbu hashar yurtimizni yanada obod va fayzli bo‘lishida o‘ziga xos xayrli tadbir vazifasini o‘taydi.