Уруғлик пахта чигитини услубий таҳлил қилиш ва тупроқда нав тозалигини баҳолаш бўйича ҳулоса бериш тўғрисида

Уруғлик пахта чигитини услубий таҳлил қилиш ва тупроқда нав тозалигини баҳолаш бўйича ҳулоса бериш тўғрисида

Э Ъ Л О Н.

Ўзбекистон Республикаси Вазирлар Маҳкамасининг “Хулоса бериш бўйича давлат хизматларини кўрсатиш тизимини янада такомиллаштириш тўғрисида”ги 2024 йил 29 мартдаги 169-сонли қарорининг 17 иловасига асосан юридик ва жисмоний шахслардан уруғлик пахта чигитини услубий таҳлил қилиш ва тупроқда нав тозалигини баҳолаш бўйича хулоса бериш мақсадида “Ўзагроинспекция” қошидаги “Қишлоқ хўжалиги маҳсулотлари сифатини баҳолаш маркази” давлат муассасаси илмий-тадқиқот институтлари, уруғлик етиштирувчи ва тайёрловчи барча субьектлар, элита уруғчилик хўжаликлари МЧЖлари ва хусусий уруғчилик хўжаликлари МЧЖларда етиштирилган ғўза навларининг дориланиб тайёрланган уруғлик чигит партияларидан белгиланган тартибда намуналар танлаб олади, тегишли ҳужжатларни расмийлаштиради, рўйхатга олади, дала тажриба майдонига экади, парвариш қилади, методик ва агротехник тадбирларни ўтказади, навдорликни баҳолаш ишлари амалга оширилишини ҳамда баҳолаш хулосалари ариза берувчига тақдим этилишини эълон қилади.

       Нав намунаси “Ўзагроинспекция” қошидаги “Қишлоқ хўжалиги маҳсулотлари сифатини баҳолаш маркази” давлат муассасасининг дала тажриба майдонида Ўзбекистон Республикаси ҳудудида экиш учун тавсия этилган қишлоқ хўжалиги экинлари давлат реестрига киритилган ва истиқболли деб ҳисобланган ғўза навларининг дориланиб тайёрланган уруғлик чигит тўдаларидан танлаб олинган нав намуналарини дала тажриба майдонида экиб ўрганиш йўли билан амалга оширилади.

     Ариза берувчилар томонидан уруғлик тўдаси тозаланган, сараланган ва дорилангандан сўнг, нав намуналарининг нав тозалигини (навдорлиги) баҳолаш учун 1 мартдан кечиктирмаган ҳолда мурожаат қилишлари сўралади.

Юқоридагиларни инобатга олган ҳолда Қорақалпоғистон Республикаси ва вилоятларда фаолият юритувчи барча юридик ва жисмоний шахслардан экиш учун тозаланиб сараланиб дориланган уруғлик чигит партияларининг кўпайтириш кўчатзори (оригинал), элита ва биринчи авлодли уруғликлари навларининг хар бир партиясидан 3 кгдан далолатнома асосида намуналар танлаб олиниши ва “Ўзагроинспекция” қошидаги “Қишлоқ хўжалиги маҳсулотлари сифатини баҳолаш маркази” давлат муассасаси томонидан қабул қилинишини эълон қиламиз. 

Бизнинг манзилимиз Тошкент вилояти Қибрай тумани Бобур МФЙ Бобур кўчаси 1-уй. Муроожат учун телефон 97 705 33 97

“Ўзагроинспекция” қошидаги Қишлоқ хўжалиги

маҳсулотлари сифатини баҳолаш маркази рахбарияти.